شمعة الوادي

[حزين الحرف]

السلام عليكم ورحمة الله وبركاته
أخواني الأعضاء
هذه قصيده من نظمي المتواضع
كل ما أتمناه هو أن تحوز ولو على القدر اليسير
من رضاكم عنها وعني


هلا وغلا مرحبا ياشمعة الوادي = أنور بك الوادي وزانت لياليّه
جيتي بعد غيبتك وأغتاظ حسادي = من يوم شافوا يديك تعانق يديه
بعض البشر لو يطوّل بالهجر عادي = يروح ولا يجي عندي سواسيّه
إلا أنتي ياحلم عمري وغاية مرادي = غيبتك عني صراحة أثرت فيّه
وشلون لا وأنتي أول وآخر أعيادي = أستغفر الله مع الفطر ومع اظحيّه
أنا غريب الوطن وأحظانك بلادي = ضميني بكل شوق وكل حنيّه
أنا جريح الهجر ويدينك ضمادي = حطي يدينك على جروحي وعلى الكيّه
أنا حريب المنام وصدرك وسادي = خليني أغفى على صدرك لو شويّه
أنا سجين المحبه وحبك قيادي = سجين لكن أعيش بكل حريّه
أنا غريق الهوى أنخيك وآنادي = عينك بحور الهوى ورمشك موانيّه
أنا أسير الغرام وأنتي جلادي = وشلون تقسين !! وأنتي بهالرومنسيّه
أنا بساتين فل ونرجس وكادي = وأنتي الشمس والهوى والظل والميّه
أنا مسافر قضى شربي مع زادي = وأنتي كريمه وبنت أجواد نشميّه
أنا مشرد ولا لي بيت وأولادي = وأنتي الدفى في الشتى وفالصيف لي فيّه
أنا؟ اناشاعرٍ هايم بكل وادي = وأنتي سما شاعرك وارضه وواديّه
ودي أعاتبك وشبك زدت فبعادي = لكن ماابي أفسد الفرحه بهالجيّه
وشله أعاتب مدامي خابر فوادي = يفزع معك لو هو عارف إنُك مخطيّه
ولو قلت أفزع معي أو خلك حيادي = يزعل علي ويتبرى من محانيّه
المشكلى أني يابس راس وعنادي = وعند الخطا تقلب أخلاقي سياحيّه
لكن معاك أنتي أصبح طيب وهادي = ورغم الخطا دايم أخلاقي رياضيّه
مدام جيتي ولو أخرتِ ميعادي = طاح الحطب والعتب مرفوع يابنيّه
تبقين أحلى وأغلى بنت في الوادي = لا والله الا بجميع أرض السعوديّه

وسلامتكم
اخوكم
حزين الحرف
عبد الرحمن سعد

[ولد الشايب]

صح الله لساااانك يابو سعد

ولاهنت على القصيده الطيبه



لكن معاك أنتي أصبـح طيـب وهـادي ورغم الخطا دايـم أخلاقـي رياضيّـه
مـدام جيتـي ولـو أخـرتِ ميعـادي طاح الحطب والعتـب مرفـوع يابنيّـه
تبقين أحلى وأغلى بنـت فـي الـوادي لا والله الا بجميـع أرض السعـوديّـه

[كيفي سعودي]

ابو سعد

صح لسانك ياشاعرنا

وتسلم يالغالي على هذي القصيده

روووووووعه روووووووعه

والله لايحرمنا من جديدك

[حزين الحرف]

الغالي ولد الشايب
صح بدنك ولاهنت
يسعدني ويشرفني \أن تكون اول من يرد علي

[الهجرس]

وشله أعاتـب مدامـي خابـر فـواديي
..............فزع معك لو هو عارف إنُك مخطيّـه
ولو قلت أفزع معي أو خلـك حيـادي
...............يزعل علـي ويتبـرى مـن محانيّـه
المشكلى أنـي يابـس راس وعنـادي
...........وعند الخطا تقلـب أخلاقـي سياحيّـه
لكن معاك أنتي أصبـح طيـب وهـادي
.............ورغم الخطا دايـم أخلاقـي رياضيّـه


ابو سعد ..

صح لسانــك واعتلـــى شـــانك ..

قصيده جزلــه ..

وتستاهل شمعــة الوادي ..


اخوي الغالي

تقبل مروري وسجل اعجابـــي

اخوك/ الهجرررس

[حزين الحرف]

كيفي سعودي
صح بدنك ولا هنت
لك ودي

[الرايق]

صح لسانك وفالك المليون

ويعطيك العافيه حزين

تحياتي لك

الرايق

[الغلا]

صح لسانك
مشكور على القصيده الراائع
بأنتظار جديدك
موفق بإذن الله

[حزين الحرف]

الهجرس
صح بدنك ولاهنت
لك ودي

[حزين الحرف]

الرايق
مافيك حيلة
لك ودي

[حزين الحرف]

أميرة نفسي
لاهنتي على الرد لك الود والورد